АПВ у Бриселу представела свойо привредни потенцияли

автор сен
970 Опатрене

БРИСЕЛ/НОВИ САД – Делеґация Покраїнскей влади и Скупштини Автономней покраїни Войводини (АПВ) того тижня участвовала на манифестациї Европски тидзень реґионох и городох, а остатнї дзень и сама представела потенцияли Войводини.

Предсидатель Покраїнскей влади Иґор Мирович гварел же делеґация АПВ мала квалитетни розгварки з привреднїками, представителями Гесену, Штаєрскей, Баден-Виртенберґу и Осиєцко-бараньскей жупаниї и виторела добри контакти.

Делеґация Войводини на схадзкох у Бриселу виложела приоритети Покраїнскей влади хтори ше одноша на швидши економски розвой, розвой польопривреди и укладаня до слабше розвитих општинох у Войводини, а собешедїки потвердзели же то обласци у хторих годно унапредзиц сотруднїцтво. Розпатрана и можлївосц черанки студентох пре фахове усовершованє.

Одношенє Войводини ґу националним меншином и пестованє мултиетнїчносци може буц приклад и другим державом у реґиону, заключене на тих стретнуцох.

6-APV-02

ПОВЯЗАНИ ТЕКСТИ