Вакцина безплатна за беби народзени после 1. новембра 2014. року

автор сен
775 Опатрене

СЕРБИЯ – Од 1. януара пейцвалентна вакцина хтора хранї дзеци од дифтериї, тетануса, велького кашлю, хемофилус инфлуенци Б и дзецинскей парализи безплатна, алє лєм за беби народзени после 1. новембра 2014. року. Медзитим, винїмки буду гевти котрим вакцинованє було преложене пре хороту, або даяку другу причину, гварене у Институту за явне здравє „Др Милан Йованович Батут”.

За беби народзени лєм дзень, лєбо мешац пред 1. новембром, вакцину, як и дотераз, буду мушиц плациц родичи, прецо велї нєзадовольни.

Шеф Оддзелєня за надпатранє вакцинох превентабилних хоротох и имунизациї у Институту „Др Милан Йованович Батут“ Ґоранка Лончаревич гварела за „Политику” же нє слово о дискриминациї, алє о почитованю термину хтори одредзени з новим Правилнїком о применьованю комбинованих вакцинох, по хторим дефиноване же ше вакцину дава кед дзецко наполнї два мешаци.

Понеже тот правилнїк ступел на моц 1. януара, пре горе спомнути термин од двох мешацох, вакцина безплатна за беби народзени после 1. новембра.

ПОВЯЗАНИ ТЕКСТИ