ОСИЄК – Парохиянє грекокатолїцкей церкви Христа Царя у Осиєку и їх госци преславйованє найвекшого християнского швета – Велькей ноци – внєдзелю почали з Утриню на 7 рано, а по Утринї домашнї парох о. Любомир Стурко служел Службу Божу, хтора була барз нащивена.
Апостол читал Назар Стурко, а медзи швичкарами було и єдно дзивче. Євангелию читал о. Любомир Стурко, а наказовал о шветлє хторе нам, и медзи нас приноши Исус Христос зоз своїм воскресеньом.
По служби Божей о. Стурко пошвецел кошарки з пасхалним єдлом, а попри винчованкох, парохиянє медзи собу черали писанки, насампредз дзеци, котрих того року на Вельконоцней Служби було вецей як звичайно.
Велька ноц у Осиєку
