БАЧ – На Зонскей смотри рецитаторох з општинох Заходнобачкого и Южнобачкого округу, хтора 19. и 20. марца отримана у Бачу, участвовал 21 рецитатор з местох кулскей општини, у трох возростох.
Спомедзи нїх аж 15-еро виборели пласман на Покраїнску смотру – у младшим возросту Александра Ковиянич и Миляна Митрич з Кули и Ребека Семан з Руского Керестура, а у штреднїм возросту Тара Божович, Лїляна Кнежевич и Исидора Нинков з Кули, Владица Кляїч з Червинки и Матей Шепински з Руского Керестура.
У старшим возросту з кулскей општини на Покраїнскей смотри наступя Уна Апрцович, Неманя Ковиянич, Стефан Ковиянич, Анастазия Тешанович и Сузана Тошич з Кули, та Тимеа Будински и Леонтина Штефанко з Руского Керестура.
На Покраїнску смотру ше пласовали и Александар Планкош и Мирослав Малацко з Руского Керестура, котри того року рецитую за Руски културни центер з Нового Саду.
Покраїнска смотра рецитаторох будзе отримана у Сечню од 21. по 23. април.
