РУСКИ КЕРЕСТУР – Каждей соботи вечарши Служби Божо, починаюци од 2. юлия, буду ше служиц у Водици, а у церкви вечарших Службох Божих нє будзе.
Пре ювилейни рок, 200 роки од другого обявеня Пречистей Дїви Мариї у Водици, уводза ше соботово вечарши Служби Божо на 19 годзин. То и нагода же би до Водици пришли вирни котри през тидзень нє могли присуствовац Службом. Тиж так то нагода же би до Водици пришли и вирни зоз других наших местох.
Пре горучави и лєтни одпочивки, Служби у церкви знова починаю на 9, 11,30 и вечарша на 19 годзин, а першей и трецей нєдзелї Служба у Малих шестрох на 17 годзин, а нє на 16 як дотераз.