Вимоги за здравствени карточки и на шалтерох пошти

автор днв/зам
1.1k Опатрене

СЕРБИЯ – Гражданє котри ище нє придали вимогу за виробок новей здравственей карточки, то можу зробиц и на шалтерох ЯП Пошта Сербиї, сообщело Министерство державней управи и локалней самоуправи.

Процедура проста – службенїки на шалтерох место гражданох пополня вимогу, а треба дац лєм особну леґитимацию, стару здравствену карточку, лєбо особне число осиґуранїка (ЛБО). При вимоги ше треба опредзелїц чи ше нову здравствену карточку сце достац на домашню адресу, лєбо ше ю превежнє у найблїзшей филияли Републичного фонду за здравствене осиґуранбє.

На шалтеру у пошти дзе ше да вимогу такой мож уплациц и трошки за доставанє новей здравственей карточки.

Пошта Сербиї запровадзела и контакт-центер, та на тел. 011/360-77-00 кажди дзень од 8 до 20 г, а внєдзелю од 8 до 15 г. годно достац информацию о поступку приманя вимогох за заменьованє здравствених карточкох, як и о їх доручованю.

ПОВЯЗАНИ ТЕКСТИ