„Вона нє виновата” у Дюрдьове

автор сас
1.1k Опатрене

ДЮРДЬОВ – Вчера вечар у просторийох КУД „Тарас Шевченко” у Дюрдьове Руски народни театер (РНТ) „Петро Ризнич Дядя” госцовал з представу Йовґена Кочиша „Вона нє виновата”, у режиї Михайла Зазуляка.

Дюрдьовчанє з увагу провадзели тоту социялну драму з елементами траґедиї, дзе у першим планє нємоц малого, звичайного роботного чловека у борби за правду. Премиєра представи була у октобрe прешлого року у Руским Керестуре. После представи патраче коментаровали же би любели таки представи частейше патриц, з єдноставним змистом приповедки и красниме числом ґлумцох на сцени.

1-djurdjov predstava 2

У представи Славко Орос, Биляна Ковачевич, Александер Мудри, Ребека Планчак, Матей Шепински, Емил Няради, Михайло Варґа, Ксения Бодянец (Ксения Макаї Орос), Ненад Канюх, Владимир Варґа, Яким Винаї и Любомир Дудаш.

РНТ того тижнї з тоту представу госцує у Словацкей – у Кладзанох, Прешове и Земплинскей Теплици, а заплановане же би ю видзела и публика у цо вецей наших местох.

1-djurdjov predstava 3

ПОВЯЗАНИ ТЕКСТИ