НОВИ САД – Под паролу „Вєдно створме лєпши интернет“, нєшка ше означує Дзень безпечного интернету. З тей нагоди Покраїнски омбудсман спозорел же насилство на интернету константно рошнє, а окреме насилство над дзецми.
Омбудсман обрацел увагу на тото же у Сербиї анї єден правни акт нє дефинує експлоатованє дзецох прейґ информацийно-комуникацийних технолоґийох як окремну форму насилства, або злохаснованя дзецох
Гроженє, знємирйованє або понїжованє на дружтвених мрежох вше частейша форма парняцкого насилства медзи дзецми и младима, а нїґдзе то нє препознате як експлоатация дзецох, та важне дїловац превентивно. Конкретно, то значи же би до системи образованя требало увесц змисти о правилному хаснованю интернету, поручел Омбудсман.