ВЕРБАС – На вчерайшей схадзки одборнїки Скупштини општини (СО) Вербас прилапели Одлуку о вименкох и дополнєньох Одлуки о пременки сновательного акту ЯКП „Стандард” и Одлуку о снованя ЯКП „Комуналац”.
За окончователя длужносци директора (о.д.) ЯКП „Комуналац” меновани Радомир Чурович, дотерашнї директор „Стандарду”, а за о.д. директора ЯКП „Стандард” меновани Иґор Шкундрич.
На нєшкайшей схадзки дата и согласносц на предшколску програму ПУ „Бошко Буха” за 2015/16. рок, дзе предвидзене же у обєкту „Слунєчнїк” будзе оформене оддзелєнє на мадярским язику.
Як гварела предсидателька СО Вербас Маряна Мараш, идуца схадзка локалного парламенту будзе уж концом юлия.