СЕРБИЯ – Порушованє и унапредзенє малих и штреднїх фамелийних подприємствох у Сербиї циль проєкту „Таргнї ше за роботу“, а за средства мож конкуровац по 31. януар. На конкурс ше можу приявиц шицки котри маю добру и креативну идею, а за реализацию им потребни дополнююци пенєж, поручели з орґанизациї ENESCA, хтора главни реализатор того проєкту.
З приявох хтори сцигню плановане вибрац и уложиц до 100 поднїмательних идейох. Гевти котрим проєкт будзе одобрени достаню безповратни средства за купованє опреми хтора им нужна за порушованє, або розвой бизнису, а буду мац и обуки на хторих их фаховци буду совитовац о поднїмательстве.
Орґанизация ENESCA, з потримовку компаниї „Филип Морис“, тот проєкт реализує уж шести рок, а за перши пейц роки финансийно потримани коло 385 мали и штреднї подприємства,
Вецей информациї о конкурсу мож достац на сайту www.pokrenisezaposao.rs