Инспировани зоз драмским текстом „Бал”, хтори зме обявйовали у прешлих числох, Заградкаре направели свойо драмски слички, на основи писнї Михайла Ковача „Кандур и тащок”.
КАНДУР И ТАЩОК
Тащок: Чию, чию, чию!
Кандур: Яки ши ми нєбораку весели!
Тащок: Нормално же сом весели кед пришла яр и швици слунко!
Кандур: Хто же це так крашнє научел шпивац?
Тащок: О, Боже, га шицки тащки знаю шпивац. Чом би я нє знал?
Кандур: Я мам школу шпиваня и уж вельо животинї сом научел шпивац.
Тащок: Кед и ти и я знаме крашнє шпивац, могли бизме животиньски хор направиц?
Кандур: Знаже же може!
Тащок: Нє поєш ме?
Кандур: Нє, нє. Я нє таки, я добри кандур!
Тащок: Вец ци верим. Идземе!
Кандур: Идземе!
Дарко Еделински, IV, Руски Керестур
КАНДУР И ТАЩОК
Тащок: Чию, чию, чию!
Кандур: Яки ши ми нєбораку весели!
Тащок: Нормално же сом весели кед виходзи слунко.
Кандур: Хто же це так крашнє научел шпивац?
Тащок: Я тот мой глас нашлїдзел од дїда.
Кандур: Супер!
Тащок: А ти знаш шпивац?
Кандур: Знам!
Тащок: Гайде ми укаж.
Кандур: Мяу, мяу, мяу!
Тащок: Наисце ци крашнє идзе.
Кандур: Дзекуєм!
Тащок: Любел биш най вєдно шпиваме?
Кандур: Вшелїяк!
Тащок: Вец зашпивайме!
Кандур: Гайде!
Тащок и кандур: Чию, мяу, чию, мяу, чию, мяу!
Тони Колошняї, IV, Руски Керестур