БЕОҐРАД – Пре пожнєнє у процесу рационализациї числа занятих у явним секторе, Влада Сербиї предлужи забрану анґажованя нових роботнїкох у явним секторе до конца марца 2016. року, гоч мала тирвац до конца того рока, пише Блиц.
Така одлука найбаржей потрафя локални самоуправи, хтори ше длуго поносую же нє можу анґажовац штрелячох процивкамецових ракетох и воспитачки.
По утаргованє забрани державне подприємства и институциї можу анґажовац єдного роботнїка, алє лєм кед пред тим пецеро буду одпущени. У случаю звекшаня обсягу роботи, зоз согласносцу Влади годно анґажовац 10 одсто з числа занятих, предвидзене з Уредбу хтора витоятно пошвидко будзе предлужена.
Забрана ше нє одноши на судийох, явних тужительох и їх заменїкох, вибрани, поставени и меновани особи, директорох явних подприємствох, установох и аґенцийох.