ВЕРБАС – Кинолоґийне дружтво Вербас наявело за соботу, 28. мая, отримованє II Националней вистави псох шицких файтох – ЦАЦ Вербас на теренох Центра за физкултуру „Драґо Йовович”, пренєсол општински сайт.
Орґанизаторе поволали шицких кинолоґох и любительох псох зоз цалей держави, а обчекує ше и участвованє викладачох зоз державох реґиону, як то було и на I Националней вистави псох шицких файтох у октобру 2021. року.
Приявиц ше мож по 26. май на тим линку, а з Кинолоґийного дружтва Вербас поволали шицких заинтересованих же би на час виполнєли свою прияву и порихтано дочекали оценьованє своїх псох у Вербаше.
О правилох вистави и оценьованю рахунку буду водзиц судийове Андреа Юрцан, Роберт Котлар, Синиша Санчанин, Андраш Корош, Рефет Хаджич и Сунчица Лазич, покля делеґат II Националней вистави псох шицких файтох др Махмуд Ал Даґестан.