НОВИ САД – У покраїнскей каси нєт пенєжи за виплацованє родительского додатку од 12 000 динари за треце дзецко, понеже з Републики нє сцигли 4,4 милиярди динари хтори Покраїна вимагала ище пред двома тижнями.
Як гваря у Покраїнским секретарияту за здравство, социялну политику и демоґрафию, обчекує ше же пенєж з републичней до покраїнскей каси будзе преруцени у идуцих двох тижньох.
У рамикох витворйованя Програми демоґрафского розвою Войводини з мирами за їх запровадзованє, Покраїнска влада ище скорей принєсла Одлуку же би ше фамелийом у хторих ше народзи треце дзецко як помоц виплацовало 12 000 динари мешачно.