И подприємство „Аґрохома” почало зоз жимскима преподаванями

автор сен
1k Опатрене

РУСКИ КЕРЕСТУР – З представяньох асортиманох компанийох „Синджента”, „Ґаленика фитофармация”, „Райфайзен аґро” и „Аґротех”, вчера у Руским Керестуре почали преподаваня за парастох и у орґанизациї керестурского Продукцийно-тарґовинского дружтва „Аґрохома”.

Представителє „Райфайзен аґро” польопривреднїком понукли нашеня гибридох кукурици, слунечнїку, сої и жита. Винєсли податок же остатнї роки зазначене векше поглєдованє кукурици и сої, та акцент презентациї бул на продукциї кукурици. „Ґаленика фитофармация” представела средства за защиту жита, кукурици и сої, а „Синджента” нашенє и средства за защиту польодїлских културох.

О новосцох у обласци польопривредней механїзациї парастом бешедовали представителє компаниї „Аґротех”, а ОТП банка винєсла понукнуца за кредити за польопривреднїкох.

Преподаваня у орґанизациї подприємства „Аґрохома” до конца фебруара буду  штвартками на 11 годзин у Ресторанє „Червена ружа”. Идуци штварток, 11. фебруара, буду представени „Еликсир”, „Декалб”, „Басф” и „Еко патент”.

7-Agro-02

ПОВЯЗАНИ ТЕКСТИ