НОВИ САД – Пре звекшанє ефикасносци войводянских локалних самоуправох у прицагованю инвеститорох, Фонд за потримовку инвестицийох у Войводини (ВИП) орґанизує програму „Думай ґлобално – прицагуй локално”. Локални самоуправи хтори сцу участвовац у тей програми можу ше приявиц до конца януара.
Виглєдованя указали же ше вецей як 90 одсто бизнис лидере информую прейґ интернету, а коло 80 одсто на интернету доходза до информацийох о можлївосцох укладаня, наводзи ше у поволанки ВИП.
Прето ВИП фонд и општини хтори ше приявя буду вєдно робиц на сучасней презентациї инвестицийних потенциялох тих локалних самоуправох, а єден зоз способох будзе интернет-презентация прейґ боку „Инвест ин”, на хторим буду шицки информациї важни за потенциялних инвеститорох, а тиж и правенє профилох локалних самоуправох на дружтвених мрежох.
Ґу тому, ВИП фонд на своїм сайту будзе мац и окремни бок, на хторим буду презентациї локалних самоуправох хтори участвую у проєкту.
Заинтересовани локални самоуправи ше можу приявиц на е-адресу: zivko.planic@vip.org.rs