РУСКИ КЕРЕСТУР – Вчера закончена гуманитарна акция „Од шерца шерцу“, за хтору дзеци з Основней школи „Петро Кузмяк“ зберали шмати, бависка, школски прибор, лакотки и подобне, а хтори буду подаровани дзецом без старосци родичох зоз суботицкого дому „Колїска“ и зомборского „Мика Антич“.
Акцию орґанизовало Медзиопштинске здруженє хранительох „Веселе дзецинство“ зоз Зомбора з нагоди вельконоцних шветох. Тирвала од 23. по 27. марец, а за тот час керестурски дзеци назберали значне число потребних стварох, хтори буду прешлїдзени дзецом котрим су потребни.