„Кечера“ вчера пред керестурску публику, ютре госцує у Шидзе

автор сен 
1.1k Опатрене

РУСКИ КЕРЕСТУР – У Велькей сали Дому култури Руски Керестур вчера вечар наступел Фолклорни ансамбл „Кечера“ з Якубянох у Словацкей, а привитал их предсидатель Вивершного одбору Националного совиту Руснацох Желько Ковач.

Гоч пред малочислену публику, ансамбл наступел з богату програму хтора представя традицию и обичаї Якубянцох, а одлични музично-танєчни точки нащивителє наградзели з моцнима аплаузами.

Фолклорни ансамбл „Кечера“ основани 1962. року и дотераз наступали ширцом Словацкей, алє и у иножемстве – у Ческей, Польскей, України, дакедишнєй Югославиї и у Зад, грали на державней телевизиї и радию, видали свой ЦД и ДВД, та кнїжку якубянских народних шпиванкох.

Окрем у Керестуре, ансамбл „Кечера“ нєшка наступи на „Коцускей жатви“, а на ютрем на нєдзелю, у Шидзе.

Концерт у Шидзе будзе у порти Руского двору на 20 годзин, а у случаю нєвигодней хвилї у Руским доме, у просторийох КПД „Дюра Киш”. Пред концертом у Шидзе, госци з Якубянох нащивя Бикич. Уходф на концерт безплатни.

ПОВЯЗАНИ ТЕКСТИ