Конкурс за туристичну промоцию општини Кула по 15. май

автор маф
929 Опатрене

КУЛА – По 15. май тирва Конкурс за туристичну промоцию општини Кула хтори 7. мая розписала Општина, а на хтори можу конкуровац орґанизациї и здруженя гражданох у тей обласци, за реализованє своїх проєктох.

На Конкурс мож конкуровац з проєктами з обласци манифестацийох медзинародного характеру, за хтори Општина Кула з буджету обезпечела 450 тисячи динари, тиж и за манифестациї и вистави националного характеру за цо обезпечени 250 тисячи.

Конкуровац мож и за проєкти хтори буду реализовани на териториї одредзених месних заєднїцох у Општини Кула а хтори ше буду финансовац зоз средствох самодоприносу тих МЗ. Вєдно им обезпечени 270 тисячи динари, од чого 255 тисячи за МЗ Руски Керестур, а 15 тисячи за МЗ Крущич.

Подробнєйши информациї о Конкурсу мож найсц на веб-сайту Општини Кула на адреси www.kula.rs

ПОВЯЗАНИ ТЕКСТИ