БЕОҐРАД – По Законє о платних услугох, хтори вчера ступел на моц, гражданє годни брац кредити и у меняльньох и других платних институцийох хтори достаню допущенє Народней банки Сербиї.
Тоти институциї углавним буду давац кредити гражданом котри у длуствох, нпр. пре нєвиплацени рахунки. У дзепоєдних случайох клиєнтом будзе одобрени пенєж за купованє роби.
Гражданом таке кредитованє будзе олєгчане пре меншу потребну документацию и преверйованя, алє шицки пожички у меняльньох буду мушиц врациц за рок.
Же би ше фирма занїмала зоз видаваньом кредитох муши мац капитал вредносци 125 000 евра, одвитуюцу компютерску и информацийну систему, квалификованих роботнїкох, одвитуюцу защиту податкох и безпечносц информацийней системи.
З вчерайшим ступаньом на моц нового закону, банки шицки трошки и надоплнєня хтори зараховюю клинтом муша обгрунтовац, а клиєнти о каждим подрагшеню трансакцийох муша буц поинформовани на писмено, найменєй два мешаци пред тим.