Кула штреднє розвита општина

автор сен
933 Опатрене

КУЛА – Гоч по Индексу дружтвеного розвою городох и општинох Кула спада до штреднє розвитих, понеже є вигодна по квалитету живота, проценти указую же у општини нєт перспективи. Индекс дружтвеного розвою виробел Тим за социялне уключованє и зменшанє худобства при Влади Републики Сербиї.

Штреднї нето заробок у Кули виноши 34 523 динари, цо менєй од штреднєй плаци на уровню Републики, хтора 43 932 динари. Занятосц гражданох у кулскей општини за 3 одсто менша од републичного просеку.

Гражданє општини Кула спод републичного просеку и кед слово о високим образованю, алє у одношеню на други часци держави, ту жительох зоз штреднїм образованьом єст за коло 6 одсто вецей.

Условия живота на штреднїм уровню – на водоводну мрежу прикапчани 98,95 одсто ґаздовствох, а на канализацийну 16,69 одсто. Як и у велїх городох и општинох, обласц здравства тиж нєвигодна и у Индексу визначене же єст мале число занятих лїкарох.

Позитивне же у Кули трошки образованя нє високи и по жительови су 13 457 динари. Дружтвена партиципация, хтору ше мерало по тим кельо гражданє вишли на виберанки, над просеком.

Индекс дружтвеного розвою облапя шицки городи и општини у Републики Сербиї и раз рочнє ше го ажурира з новима податками.

 

ПОВЯЗАНИ ТЕКСТИ