ЛСВ: Врациц виучованє язика дружтвеного штредку

автор фонет/сен
965 Опатрене

НОВИ САД – З нагоди Медзинародного дня мацеринского язика Лиґа социялдемократох Войводини (ЛСВ) апеловала на Министерство просвити най до основних школох цо скорей враци виучованє язика дружтвеного штредку. ЛСВ оценєла же ше така пракса 70-их и 80-их рокох прешлого вику указала як винїмково добра и допринєсла розуменю националних заєднїцох.

– Спозорюєме же нєдавне приватизованє електронских медийох спричинєло гашенє векшини меншинских медийох у Войводини, та апелуєме на Министерство просвити най у пременкох орґанизациї настави нє гаши оддзелєня на язикох националних меншинох и най водзи рахунку же би учебнїки сциговали на час – сообщела ЛСВ, шлїдом информациї же рационализация у просвити спричинї и гашенє оддзелєньох хтори маю менєй як 15 школярох.

На териториї АП Войводини значне оможлївиц и видаванє документох на шицких язикох хтори у службеним хаснованю у Покраїни, заключене у сообщеню ЛСВ.

ПОВЯЗАНИ ТЕКСТИ