БЕОҐРАД – Ремеселнїки и поднїмателє котри жию од своїх услугох, за озаконьованє роботнї до 100 квадратни метери буду плациц таксу 5 000 динари, место 250 000, як то тераз.
Министерка будовательства, транспорту и инфраструктури Зорана Михайлович гварела за „Блиц” же анализуюци применьованє Закона о озаконьованю, обачене же велька такса на чкоду малих привреднїкох.
Як потолковала, ремеселски и роботнї малих приватнїкох буду третировани як продукцийни, а нє як комерциляни обєкти и поволала шицких ремеселнїкох же би озаконєли свойо нєлеґални обєкти.
Нови одредби Закона о озаконьованю ше почнє применьовац тих дньох.