ЖАБЕЛЬ – Вовторок, 22. марца, министер младежи и спорту Ваня Удовичич, вєдно зоз покраїнским секретаром за спорт и младеж Данетом Бастом, нащивел жабальску Основну школу Милош Црнянски, Омладински центер општини Жабель и стадион Фодбалского клубу ЖСК.
Перше обишли школу и спортску галу, дзе нєдавно поставени нови паркет. Потим нащивели Омладински центер, дзе бешедовали зоз штредньошколцами, котри у тим простору маю нагоду участвовац у рижних роботньох и едукацийох. На жабальским стадиону министра дочекало руководство локалного Фодбалского клубу и шицки бавяче. Министер и покраїнски секретар на дарунок достали члански карти и дрес зоз своїм меном.