НОВИ САД – Городска комисия за додзельованє наградох Городу Нови Сад поволує заинтересованих гражданох и други субєкти же би давали предкладаня за Октоберску награду и Новемберску грамоту за 2016. рок.
Кандидатох за Октоберску награду мож предкладац по 15. септембер, а за Новемберску грамоту по 1. октобер. Предлоги, з толкованьом, треба послац Городскей комисиї за додзельованє наградох, Скупштина Городу, Жарка Зренянина 2.
Октоберску награду Городу Нови Сад ше додзелює за окремни досяги у науки, култури, уметносци, публицистики и нованиарстве, архитектури и будовательстве, за розвой нових технолоґийох, защиту животного штредку, за досяги у просвити, спорту, здравстве и гуманитарней роботи. Може буц додзелєна поєдинцови, лєбо ґрупи, а додзелює ше ю з нагоди 23. октобра, Дня ошлєбодзеня Нового Саду.
Новемберску грамоту ше додзелює гражданом, лєбо орґанизацийом за пестованє демократских традицийох и моцнєнє заєднїцтва гражданох Нового Саду, за привредни розвой, духовну творчосц, здравствену и социялну защиту, просвиту, спорт, гуманитарни активносци и виказованє храбросци у позарядових ситуацийох.
Новемберску грамоту ше додзелює з нагоди означованя 9. новембра, кед 1918. року сербске войско ошлєбодзело Нови Сад и 25. новембра, кед 1918. року отримана Велька Народна Скупштина о присоєдиньованю Войводини ґу Сербиї.