Мож предкладац поєдинцох и колективи за награди Општини Жабель

автор бас
789 Опатрене

ЖАБЕЛЬ – З нагоди 8. новембра, Дня општини Жабель, Скупштина општини отворела конкурс за Митрову награду и Митрову грамоту за 2015. рок – припознаня хтори ше додзелює заслужним поєдинцом и колективом.

На конкурс мож предложиц подприємства, установи и здруженя зоз шедзиском у жабельскей општини, гражданох и ґрупи гражданох котри робя, лєбо робели у општини, котри походза з општини, лєбо их творчосц и робота тематски вязана за општину.

Буду додзелєни Митрова награда – плакета з диплому и пенєжну награду и Митрова грамота – подзекованє и диплома.

Скупштина Општини Жабель поволує институциї, ґрупи гражданох и поєдинцох, же би свойо предкладаня з обгрунтованьом послали найпознєйше по 30. октобер до 15 годзин, на адресу: Комисия за награди и припознаня Општини Жабель за 2015. рок, Николи Тесли 45, Жабель, лєбо их придали на писарнїци у будинку Општини.

ПОВЯЗАНИ ТЕКСТИ