КУЛА – Ище на ютре, 10. септембра, заинтересовани особи до 30 роки ше можу приявиц за школу рукомету, хтору запровадзує нєформална ґрупа „Кулски рукометаше”, у сотруднїцтве з червинску Рукометну школу „Лаки”, пише локална информативна мрежа Наше место. Школа почнє на ютре, а мож ше приявиц и за женски и за хлопски рукомет.
Школа рукомету безплатна и спомнута ґрупа ю орґанизує з потримовку Ресурс центру Зомборского едукативного центру, у партнерстве з Новосадским гуманитарним центром, а у рамикох Програми „Млади закон”, хтору финансує Министерство младежи и спорту.
Приявиц ше мож прейґ СМС поруки, лєбо треба поволац на числа тел. 064/45-91-705 (Ненад), 064/92-71-280 (Бранко), а тиж и прейґ фейсбук ґрупи Кула школа рукомету 2015.