НОВИ САД – Всоботу, 27. фебруара, у Музею сучасней уметносци Войводини отворена вистава „Аквизициї: одкупи и дарунки 2012 – 2015”, хтора презентує вибор уметнїцких дїлох хтори постали часц колекциї Музею у тим периодзе. Виставу мож опатриц по конєц марца.
Музей сучасней уметносци Войводини основани 1. фебруара 1966. року, а з нагоди означованя ювилею цали рок буду орґанизовани рижни активносци и програми.
После длукшого часу, остатнї роки колекция Музею дополнєна з новима експонатами актуалней музичней сцени, цо оможлївене зоз средствох Покраїнского секретарияту за културу и явне информованє и Министерства култури и информованя Републики Сербиї.
Виставу „Аквизициї: одкупи и дарунки 2012 – 2015” всоботу отворел покраїнски секретар за културу и явне информованє Славиша Ґруїч.