НОВИ САД – Шлїдом актуалней проблематики уплїву политики на Национални совит (НС) Словацох, Координация националних совитох националних меншинох сообщела же таки прициски загрожую людски, меншински и виберанково права меншинох, та апеловала же би ше прициски зопарло и санкционовало.
Координация упозната з информацию з Националного совиту Словацох о прициску на леґално вибраних членох и пробованьом окончиц „прекомпонованє виберанкових резултатох и обезпечиц политични уплїв на Национални совит Словацох”. Предсидателька НС Словацох Ана Томанова Маканова гварела же прешлого тижня функционере Сербскей напредней странки (СНС) у Ковачици окончовали прицисок на членох того НС же би подписали инициятиву за єй зменьованє.
На Координациї оценєнє же ше з прицисками нє зочує лєм НС, понеже ше подобне случує и у других совитох и Координация вимага же би одвичательни институциї на тото реаґовали, а националним совитом обезпечели функционованє хторе им ґарантує Устав и закони.