НОВИ САД – Пре вельки горучави хтори у тим тижню залапели Сербию, у Новим Садзе на ключних местох поставени цистерни з воду за пице и чопи, з хторих ше гражданє можу ошвижиц з воду. Медзитим, одвичательни апелую ше же би ше под час найвекших горучавох керовало длуге затримованє на слунку.
Явне комуналне подприємство „Водовод и канализация“ цистерни з воду поставело на Площу шлєбоди, при Футожским пияцу и Желєзнїцкей станїци, а чопи на 11 местох у городзе.
Гражданє ше можу ошвижиц на чопох на Театралней площи, у улїцох Краля Александра, Змай Йововей, на углє Дунайскей и Иґнята Павласа. Тиж так, чопи єст и на углє Булевару Михайла Пупина и у улїци Жарка Зренянина, опрез Успенскей церкви, на Булеваре ошлєбодзеня при „Меркатору“, при Желєзнїцкей станїци и на углє улїцох Новосадского сайму и Гайдук Вельковей.