БРИСЕЛ – У Мисиї Републики Сербиї при Европскей униї стреду, 14. октобра отримани Дзень Войводини у Бриселу. З тей нагоди була отворена и вистава „Заобиходни стратеґиї – архитектура у Войводини на початку 21. вику”, на хторей виложени и публикациї заводох за културу националних меншинох у Войводини, а приказани и кратши филм о мултикултуралносци Войводини.
Медзи другима, на вистави виложени и публикациї Заводу за културу войводянских Руснацох, як и други виданя Руснацох у Войводини.
Попри виложених експонатох о сучасней архитетктури у Войводини, на вистави и плакати Музею сучасней уметносци Войводини и Заводу за културу Войводини.
На отверню вистави бешедовали предсидатель Покраїнскей влади др Боян Пайтич, посланїк у Европским парламенту Кнут Флекенштайн и покраїнски секретар за културу и явне информованє Славиша Груїч.
З нагоди Дня Войводини у Бриселу предсидатель Покраїнскей влади Боян Пайтич, медзи иншим, визначел же за штири роки после снованя, Канцелария Войводини у Бриселу оправдала свойо постоянє, понеже скоро половка иножемних инвестицийох хтори приду до Сербиї – витворени у Войводини.
Вєдно з другима руководителями заводох, на вистави у Бриселу присуствовал и директор Заводу за културу войводянских Руснацох Серґей Тамаш.
