БЕОҐРАД/РУСКИ КЕРЕСТУР – На републичним змаганю „Цо знаш о транспорту” за школярох основних школох, хторе отримане 27. и 28. мая у Беоґрадзе, школярка 8 класи ОШ „Петро Кузмяк” Елена Шомодї, як побиднїца заходнобачкого округу, спомедзи 27 змагателькох, завжала високе 11. место.
Шомодїйова ше змагала у катеґориї дзивчатох од 13 до 15 рокох тиж найлєпших у своїх 27 округох у Сербиї, и од максималних 300 бодох посцигла 262 боди на тесту и на двох полиґонох.
За змаганя Елену пририхтовал наставнїк технїчного воспитаня у рускокерестурскей школи Зденко Шомодї, а треба визначиц же йому то уж 13. участвованє на републичних змаганьох дзе водзел школярох керестурскей школи, а з єдну школярку бул аж и на европским змаганю.
