КОЦУР – На соботу, 2. априла, на коцурским пияцу од 8 до 12 годзин будзе отримане „Ярнє розпредаванє половних стварох”. По угладзе на ґаражни, лєбо улїчни предаваня половних стварох у заходних державох, тоту идею у Коцуре порушала Емилия Чизмар.
На „Ярнє розпредаванє половних стварох” кажде може принєсц ствари хтори му дома нє потребни, як цо то алат, судзину, кнїжки, прикраски, облєчиво и друге и предац их по символичних ценох. Вшелїяк, и заинтересовани можебуц найду дацо цо им з понукнутого потребне.
Предаванє будзе мац и гуманитарни характер, понеже заробок з предаваня облєчива на єдней з тезґох наменєни за лїченє єдней анонимней особи.
Облєчиво и бависка хтори ше нє попреда – годно зохабиц, та познєйше буду подаровани людзом котрим то потребне.