НОВИ САД – На соботу, 28. новембра, на Фрушкей гори будзе перши „Єшеньски горяцки маратон”, рекреативного характеру. Як наявели орґанизаторе з Горяцкого дружтва „Желєзнїчар”, учашнїки буду бежац и ходзиц по дражки длугокей 25,5 километери.
– Нє муши ше бежац, но будзе таких котри ше буду и змагац, алє векша часц учашнїкох нє. Поволуєме их най уживаю – гварел Миливой Настасич зоз „Желєзнїчару”.
Сход на соботу на Поповици, дзе од 7 до 8 годзин будзе евиденция учашнїкох и видаванє контролних кнїжочкох.
Участвованє безплатне, а приявиц ше можу шицки заинтересовани на е-адресу: psdzeleznicar@gmail.com найпознєйше до ютра, 26. новембра.