РУСКИ КЕРЕСТУР – Тогорочни, 54. Фестивал рускей култури „Червена ружа” на ютре вечар будзе закончени зоз свою найстаршу манифестацию „Червена ружа” – того року лєм зоз змаганьом за найкрасши дзивоцки глас, алє и виводзеньом и змаганьом 9 нових забавних композицийох по руски, котри одшпиваю нашо познати шпиваче.
За кошарку червених ружох и дзивоцку ладу змагаю ше 13 дзивчата – седем з Руского Керестура, штири з Коцура и по єдна зоз Шиду, Вербасу и Нового Саду.
На „Червеней ружи” на ютре буду виведзени дзешец нови забавни композициї по руски, за хтори музику и текст написали нашо искуснєйши и младши авторе.
Шпивачох буду провадзиц Вельки народни оркестер керестурского Дому култури и Фестивалски забавни оркестер.