НОВИ САД – Як нєшка у сообщеню за явносц котре видал директор НВУ „Руске слово” др Борис Варґа пише, Дружтво за руски язик, литературу и културу пияток, 4. децембра, додзелєло Припознанє тей установи – За потримовку програми активносцох Дружтва.
Припознанє директорови Установи спред Дружтва за руски язик, литературу и културу додзелєли предсидателька Управного одбору Блажена Хома Цветкович и його длугорочна предсидателька Ирина Папуґа.
Припознанє НВУ „Руске слово” додзелєне на означованю 50-рочнїци од снованя, а у рамикох 30. дньох Миколи М. Кочиша, котри орґанизує Дружтво за руски язик, литературу и културу.
Тоти два институциї партнерски орґанизациї котри робя на заєднїцких планох и проєктох за 2021. рок, од чого будзе єдна публикация з обласци язика, пише у сообщеню.