Нєзадовольни бувши роботнїки Штофарнї ютре у Привредним судзе

автор зам
1.1k Опатрене

КУЛА/ЗОМБОР – Руководителє Привредного суду у Зомборе би на ютре, 2. децембра, мали бешедовац з представителями бувших роботнїкох АД „Кулски штофи” у предликвидациї, дознава Рутенпрес од народней посланїци Олени Папуґа, єдней з иницияторох того сходу.

Як наявене, опрез Привредного суду у Зомборе, хтори од 2010. року водзи предликвидацийни поступок за Штофарню, ютре пойду коло 100 бувши роботнїки, нєзадовольни пре нєвитворйованє їх правох на заробок и нєзапровадзованє социялней програми, як и з водзеньом предликвидацийного поступку у спомнутим судзе.

Попри з руководителями Привредного суду, роботнїки вимагаю розгварку и зоз судийом котри водзи предликвидацийни поступок, як и з предликвидацийним управнїком Штофарнї и предоча им вимоги же би предликвидацийни управнїк окончел позарядову судску розправу на хторей буду припознати оспорени поглєдованя на 12 минимални плаци занятих, як и же би ше од кириї за видаванє обєктох Штофарнї почало виплацовац поглєдованя занятим на основи правомоцних судских пресудох.

ПОВЯЗАНИ ТЕКСТИ