НОВИ САД – З кладзеньом квеца на гроб Миколи М. Кочиша нєшка на 12 годзин почина манифестация Днї Миколи М. Кочиша, хтору орґанизує Дружтво за руски язик, литературу и културу. На Городским теметове у Новим Садзе квеце будзе положене и на гроби Меланиї Павлович и Яшу Бакова.
Нєшка на вечар на 18 годзин у Ґалериї Дружтва писательох Войводини будзе отворена вистава подобових роботох у енкаустики Сонї Папуґа Андєлич, з назву „Шлїди”.
Програми Дньох Миколи М. Кочиша у вецей наших местох буду по 18. децембер, а Манифестацию ше витворює з финансийну потримовку Покраїнского секретарияту за културу, явне информованє и одношеня з вирскима заєднїцами и Националного совиту Руснацох.