Нєшка на „Коцурскей жатви”

автор зам/тах
1.1k Опатрене

КОЦУР – Нєшка, 16. юлия, на  Фестивалє фолклору Руснацох „Коцурска жатва” на 18,30 годзин почню три провадзаци програми – будзе отворена вистава народних облєчивох, презентация кнїжки „Облєчиво и танци бачко-сримских Руснацох” Заводу за културу войводянских Руснацох и етно-столи. Спомнути провадзаци програми буду у физкултурней сали Основней школи „Братство єдинство”.

Фестивалски вечар на лєтнєй бини Дому култури почнє на 20,30 г. з наступом домашнїх дзецинских фолклорних ансамблох КУД „Жатва” и КУД „Завичајно врело”, а потим, на 21 г., наступя танєчни ансамбли старших з Коцура, Нового Саду, Нового Орахова, Дюрдьова, Шиду и Руского Керестура.

Нєшка на вечар на „Коцурскей жатви” участвую и госци з иножемства – ансамбл „Кечера” з Якубянох, зоз Словацкей, а Фестивал будзе закончени з традицийним „Торба-балом”, по програми.

ПОВЯЗАНИ ТЕКСТИ