НАШО МЕСТА – Нєшка, 17. януара, пригодни програми з нагоди Националного швета Руснацох буду отримани у Дюрдьове и Ґосподнїцох.
Програма у Дюрдьове будзе на 12 годзин у просторийох КУД „Тарас Шевченко”, а у Ґосподїнцох на 14 г. у Месней заєднїци.
На ютре, 18. януара, Националне швето Руснацох у Сербиї заєднїцки означа подручни канцелари НС у Сримскей Митровици и Бикичу. Програма будзе на 19 годзин у церковней сали грекокатолїцкей церкви у Сримскей Митровици.
Националне швето Руснацох у Беоґрадзе найвироятнєйше будзе означене на пондзелок, 19. януара, на Богоявлєне по юлиянским календаре, после Служби Божей хтора на 17 годзин.