НОВИ САД – Нєшка на 10 годзин будзе отримана 51. схадзка Скупштини АП Войводини, вироятно остатня у тим зволаню. На дньовим шоре доминую точки з обласци защити животного штредку.
Так покраїнски посланїки буду розправяц о програми защити животного штредку у АПВ за период од 2016. по 2025. рок, потим о приношеню просторних планох за „Суботицки пустари и озера”, за специялни резервати природи „Тительски брег” и „Фрушка гора”, предїлу винїмкових характеристикох „Караш-Нера” и културного предїлу Сримски Карловци.
На дньовим шоре и предлоги о виробку просторних планох инфраструктурного коридору транспортного ґазоводу Сримска Митровица-Шид и ґазоводу Тилва-Била Церква.
Скупштина Войводини нєшка будзе розправяц и о розришеню члена Совиту Академиї уметносцох у Новим Садзе, та о вименки одлуки о менованю предсидателя, членох и секретара Покраїнскей виберанковей комисиї и їх заменїкох.