ДЮРДЬОВ – Закончени финални роботи на ушореню святочней сали Месней заєднїци Дюрдьов.
Стари, пейдзешат рочни древени облаки, през котри ше чувствовал витор, заменєни зоз новима пвц облаками подобней велькосци. После того, вировнани, ушорени и обилєни мури з нука.
Як гварел секретар Месней заєднїи Дюрдьов, Александар Ґолуб сала припада валачаном, и валачанє ю маю нагоду хасновац лєм треба же би ше явели и же би ше порадзело. У тей сали ше отримує рижни сходи гражданох и здруженьох, проби даєдних шпивацких ґрупох котри нє маю свой простор, а дакеди ше у нєй отримовало и литературни вечари и промоциї. Сала велькосци шейсц зоз дзешец метери. У нєй, за столом и на красельох або лавкох коло мурох можу шедзиц коло пейдзешат особи.
Святочну салу Месней заєднїци Дюрдьов дакеди найчастейше хасновали члени Совиту Месней заєднїци Дюрдьов за порядни схадзки, а остатнї роки ю частейше хасную гражданє за рижни сходи, проби и трибини.