Од того школского року и стимулация родичом предшколских дзецох у руских оддзелєньох

автор маф
1.3k Опатрене

РУСКИ КЕРЕСТУР – У Руским Керестуре, у Школи „Петро Кузмяк” всоботу, 29. авґуста, отримана заєднїцка роботна схадзка членох штирох одборох и представительох подручних канцеларийох (ПК) Националного совиту (НС) Руснацох з наших местох задлужених за образованє, културу, информованє и службене хаснованє язика и писма.

Присутних привитал предсидатель НС Славко Рац, а на заєднїцкей схадзки после роботи по одборох винєшени заключеня, та на основи дискусийох, предкладаньох и заключеньох, Вивершни одбор НС пошвидко вироби акцийни план за превозиходзенє и ришованє терашнїх проблемох, пре злєпшованє стану у нашей заєднїци у спомнутих штирох обласцох.

1-Obrazovanje-02

На Одборе за образованє анализовани проблеми и потреби у тей обласци у шицких наших местох, як и заєднїцки питаня з хторима ше стретаю нашо просвитни роботнїки и школяре у школох дзе настава на руским язику, лєбо дзе ше руски язик виучує як виборни предмет.

Члени Одбору принєсли вецей заключеня, а єдни з нїх же би ше иницировало анґажованє просвитного совитнїка Руснака, же би ше Правилнїк о стимулацийох дополнєло и з пенєжну стимулацию од 3 000 динари мешачно родичом предшколских дзецох котри уписани до руского оддзелєня, а котри ше обовязую же свойо дзецко нарок упишу и до руского оддзелєня у школи. Тоту стимулацию би ше запровадзовало уж од того школского року.

1-Obrazovanje-03

Прилапене и предкладанє Подручней канцелариї НС у Шидзе же би ше до Спортских бавискох „Яша Баков” уключело и змаганя за дзеци, а иницироване и пририхтованє учебнїка за виборни предмет „Народна традиция”.

Як констатовала предсидателька Одбору за образованє Мелания Римар, гоч ше робело скоро цали дзень, заш лєм нє було досц часу преанализовац шицки проблеми. Прето буду орґанизовани и тематски схадзки Одбору, а заключела же таки сходи барз хасновити и потребни.

1-Obrazovanje-04

ПОВЯЗАНИ ТЕКСТИ