БЕОҐРАД – Авиокомпания „Ер Сербия” од юния 2016. року понукнє и лєти до Нюйорку, пейц раз до тижня, наявел ґенерални директор тей компаниї Дане Кондич. З тим барз будзе олєгчане и путованє до Канади.
– Док достанєме допущенє од реґулаторней власци, уведземе директни лєценя до Зєдинєних америцких державох, хтори ше у реґионє обчекує ище од 1992. року – гварел Кондич за маґазин „Елевате”.
По планох „Ер Сербиї”, роботнима днями до Нюйорку ше будзе лєциц на авионє Ербас 330, а през викенд ше будзе путовац з „Ер Берлином”, компанию хтора сотрудзує з нашу.