Од 1. януара наградне бависко з фискалнима рахунками

автор сен  фото маз
1.2k Опатрене
БЕОҐРАД – Од 1. януара 2017. року почина наградне бависко у хторим гражданє буду зберац фискални рахунки, хтори можу посилац од 1. фебруара до конца марца 2017. року. Треба назберац найменєй 10 фискални рахунки, лєбо 10 потведзеня за плаценє з карточками (слипи), минималней вредносци 100 динари по фискланим рахунку, лєбо слипу, а хтори нє старши од 1. януара 2017. року.
Наградне бависко, з назву „Вежнї и победз”, орґанизує Министерство финансийох, а можу участвовац шицки полнолїтни гражданє Сербиї.
Коверти за посиланє назбераних фискалних рахункох годно достац у филиялох Пошти Сербиї, а на нїх уж будзе виписана адреса на хтору ше коверту посила. Треба уписац лєм особни податки.
Плановани штири вицагованє наградох, раз тижньово у марцу и початком априла, а главна награда квартель у Беоґрадзе. Годно освоїц и автомобили, путованя у жеми и до иножемства и технїчну робу.
Партнере  у наградним бависку НАЛЕД, Союз за фер-конкуренцию, Державна лутрия Сербиї, Порцийна управа и Републични секретарият за явни политики.

ПОВЯЗАНИ ТЕКСТИ