ШИД – У Ґалериї „Сава Шуманович – институциї култури од националного значеня”, вчера означена 120-рочнїца народзеня єдного з найпознатших сербских малярох – Сави Шумановича.
Як визначела директорка Ґалериї Весна Буроєвич, з тей шветочней нагоди отворена и нова стаємна постановка 116 Шумановичових малюнкох, з вєдно 417, кельо його малюнки ма Ґалерия. Медзи нїми и малюнок Рускиня у народним облєчиве з 1935 року.
Виложени и на далєко познати Шумановичово ,,Купачици” – на цалим муре, длужини 33 метери.
Буроєвичова представела и богати активносци Ґалериї у прешлим и плани за тот рок, а додзелєни и подзекованя институцийом, установом и поєдинцом котри допомогли роботу Ґалериї.
Подзекованя достали Министерство култури и информованя Републики Сербиї, Покраїнски секретарият за културу и явне информованє АП Войводини, хторе приял секретар Славиша Ґруїч, Општина Шид, институциї култури зоз Сербиї и други.