КУЛА/РУСКИ КЕРЕТУР – Општински совит за безпечносц транспорту СО Кула апелує на учашнїкох у транспорту же би були осторожни и же би прилагодзели швидкосц условийом и стану на драгох, пре жимски условия.
Як сообщене зоз Совиту, без огляду же хвиля нагадує конєц жимских условийох, на драгох ище вше зна буц ляду, окреме вчас рано и ґу вечару.
Апел преширени и на вожачох тракторох и роботних машинох же би почитовали транспортни правила, же би преверели сиґнализацию на превозкох, и же би нє виношели блато зоз дильовох на асфалтовани драги.