РУСКИ КЕРЕСТУР – Швето Осми марец – дзень женох и мацерох, вчера шветочно преславени у керестурским оддзелєню „Цицибан” ПУ „Бамби”, дзе наймладши своїм мамом пририхтали пригодни програми и дарунки.
З нагоди швета, у центре валала уж даскельо днї єст предавачох квеца, прикраскох и других дарункох хтори Керестурци купую за тото швето, а традицийно за 8. марец свой штанд ма и Здруженє женох „Байка”.
„Байка” вєдно зоз Клубом пензионерох, орґанизатор и програми хтора нєшка вечар на 17 годзин з нагоди Осмого марца, будзе отримана у просторийох Клубу. На програми наш познати кантавтор Сашо Палєнкаш з Руского Керестура представи свой албум „Метрополис”.
