ШИД – З нагоди Дня женох у Основней школи „Сримски фронт“ вчера отворена вистава ручних роботох и рисункох школярох под назву „Руки моєй мацери, а у рамикох проєкту „Чуваре традициї“.
Як за Рутенпрес гварела професорка Радослава Дьордєвич, авторка проєкту у хторим участвовали и други наставнїки и професорка подобового воспитаня Доротеа Ґолужа вєдно зо школярами, на вистави виложени рижни ручни роботи, мала етно постановка и рисунки школярох на котрих нарисовани жени през ґенерациї, а шицко през пестованє мултикултуризму.
Професорка Дьордєвич додава же пригодни вистави отворени и у подручних оддзелєньох школи у Беркасове, Бикичу, Соту и Моловину.
