ШИД – Всоботу, 24. януара, у будинку Лєтнєй владическей резиденциї у Шидзе з пригодну шветочносци урядово отворени просториї Здруженя за потримовку дзецом з окремнима потребами „Отворене шерцо”.
Предсидателька Управного одбору Здруженя Силвия Косанич здогадла же Здруженє з роботу почало 2012. року, як и же, дзекуюци насампредз парохови о. Михайлови Режакови, та локалней самоуправи и спонзором хтори финансийно потримали їх роботу, у Лєтнєй владичскей резиденциї ушорени и опремени куцик за дзеци з окремнима потребами.
Як гварела Косаничова, тераз на друженє приходза 15-еро дзеци и їх родичи, алє и дзепоєдни дзеци котри нє маю здравствени проблеми.
На шветочносци уручени и подзекованя особом котри допринєсли потримовки активносцом Здруженя, а подзекованя достали и дзепоєдни медиї.
